Siân James - Sgerbwd ar y bryn | Текст песни

• Тексты песен
• Siân James
• Sgerbwd ar y bryn

Y SGERBWD AR Y BRYN

Mae i’w weld yma’n glir
Yma ym mhen pella’r dref,
Mae hen sgerbwd y pwll
Yn mestyn am y nef.
Mae’r esgyrn yn goch
Gyda rhwd y di-werth,
Tra thwf y chwyn yn wyllt
Hyd yr hen lwybrau serth.

Dŷn nhw ddim eisiau’r glo,
Dŷn nhw ddim ein heisiau ni,
A dim ond atgof da i ddim
Yw hen weithwyr fel fi.
Mae fy nydd wedi bod
Fel un sgerbwd y bryn,
Mae fy nwylo yn lân
Cyn i ngwallt droi yn wyn.

Mae pob plentyn a ddaw
Bron â marw eislau ffoi,
Ers i’r hen olwyn fawr
Beidio â throi
Mae’r peiriannau oll i gyd
’Nawr yn ddistaw eu cân,
Tra mae’r bryn oedd mor ddu
Heddiw’n wyrdd – gwyrdd a glân.

Rwyf yn ofni beth ddaw,
Mae ’na frath ym min y gwynt,
Tybed beth gaf i’w wneud
Ble gaf i fynd?
’Nawr mae nwylo yn lân
Cyn i ngwallt gael troi yn wyn,
Ond o, Dduw! nid wyf am fod
Fel y sgerbwd ar y bryn.