The Corries - The Bloody Sarks | Текст песни и Перевод на русский

• Тексты песен
• The Corries
• The Bloody Sarks

Pesni.guru - сайт для Гуру

Шотландская народная песня о битве 1603 г в ущелье Фруин (Glen Fruin). Двое горцев отстали от своих во время набега МакГрегоров за скотом и были убиты Колхаунами. Горские кланы под предводительством МакГрегоров отправились мстить. Лоулендеры тоже собрали превосходящие силы, чтобы покончить с налетчиками, и вышли навстречу горцам - но не смогли воспользоваться преимуществом в кавалерии в теснине, не выстояли перед атакой горских мечников и были разбиты. Король Яков VI-й Шотландии и I-й Англии Стюарт объявил клан МакГрегоров вне закона.

The young McGregor o Glen Strae wi eighty o his men
Upon the Argyll sleekit word pit Finla's glen a flame.
The burning theiving hieland rant drove-a the beast awa
And left ahint twa dirkit men to perish in the snaw.

By Fallisdall the letter come frae black Dumbarton toon
To show the way they were ta gae tae bring McGregor doon.
The bloody sarks o butchered men tae Jamie's court maun gae
The widow women for to show and tell of the afray.

Colquhoun o Luss could thole nae mair wi trampeled savaged pride,
Buchanan levies mounted up to tan McGregor hide,
From Leven's vale, Dumbarton toon and all these lowland parts
The burgesses and fairmers came wi vengeance in their hearts.

The Campbell and the Cameron, MacDonald o Glencoe
Ranked alang wi Gregorach and marched o'er the snaw.
Far o'er the loch frae Arklet glen and doon the past Parlan
By Loch Long whose shores are held by the thieves o MacFarlane.

Colquhoun wi his lowland mob lined o'er the Fruin glen:
Five hundred foot, arrayed aboot three hundred mounted men.
"Yon godless hoard o Gregorach and others o their kind
Will creep nae mair frae their hieland lair wi murdering in their minds!"

"Aye whether be it for some stirks or just a ween o blacks,
They’re ay'ways quick thier dirks to stick in ain anither backs.
For honest men and guid Scots law we'll tramp the vermin oot -
Just steady bide, God's on our side, o that there is nae doubt!"

Then like a torrent frae the glen McGregor's scarlet charge -
The sassenach could ne'er withstand the claymore and the targe!
And all around the hellish screams o torn and dying men,
Their precious blood seeped in the mud and drained in Fruin Glen!

And every beast was lead awa a full twa thoosand heid,
And the sairest price the victors paid was twa McGregors dead!..
But bide ye yet the victor's feast the worst still to show,
For the king proclaimed the Gregorach henceforth to be outlaw.

Aye, the bold McGregor and his clan were-a declared outlaw.