Thomas Tallis - Iste confessor | Текст песни

• Тексты песен
• Thomas Tallis
• Iste confessor

Iste confessor Domini sacratus
festa plebs cuius celebrat per orbem
hodie letus meruit secreta
scandere celi.
Qui pius prudens humilis pudicus:
sobrius castus fuit et quietus
vita dum presens vegetavit ejus
corporis artus.
Ad sacrum cujus tumulum frequenter
membra languentum modo sanitati
quolibet modo fuerint gravati
restituuntur.
Unde nunc noster chorus in honore
ipsius hymnum canit hunc libenter
ut piis ejus meritis iuvemur
omne per aevum.
Sit salus illi decus atque virtus
qui supra celi residet cacumen
totius mundi machinam gubernat
trinus et unus. Amen.

Thomas Tallis еще тексты