Thomas Tallis - Veni redemptor genitum | Текст песни

• Тексты песен
• Thomas Tallis
• Veni redemptor genitum

Veni Redemptor gentium
ostende partum virginis
miretur omne seculum
talis decet partus Deum.
Non ex virile semine
sed mystico spiramine
verbum Dei factum caro
fructusque ventris floruit.
Alvus tumescit virginis
claustra pudoris permanent
vexilla virtutum micant
versatur in templo Deus.
Procedens de thalamo suo
pudoris aula regia
gemine gigas substantie
alacris ut currat viam.
Egressus eius a Patre
regressus eius ad Patrem:
excursus usque ad inferos:
recursus ad sedem Dei.
Equalis eterno Patri
carnis tropheo accingere
infirma nostri corporis
virtute firmans perpetim.
Presepe iam fulget tuum
lumenque nox spirat novum
quod nulla nox interpolet
fide quo iuge luceat.
Deo Patri sit gloria
eiusque soli Filio
cum Spiritu Paraclyto
nunc et in perpetuum. Amen.

Thomas Tallis еще тексты