Tri Bleiz Die - Ar Bleiz, al louarn hag ar gaerell | Текст песни

• Тексты песен
• Tri Bleiz Die
• Ar Bleiz, al louarn hag ar gaerell

An deiz arall e oan bet da welout ma hini karet
'vit goulenn diganti ma dimeziñ
Flastret am eus ur gaerell pa oa-hi o treuziñ an hent
Hep teurel pled d'an dremenidi
'vel ur peul war vord an hent, sac'het ma c'harr,
Pa oan o varsoñjal ma c'hasoni
Er prad amezek e oa kazeg Michao hag he bouch
O sellout ouzhin en ur vousc'hoarziñ

Dont a raio ar goañv
Dont a raio ar goañv, paotred
Met biken ne glevoc'h ket mui
Ar gaerell o kanañ
Ar gaerell o kanañ
Trawalc'h hon eus klevet anezhi

An deiz war-lerc'h e oan bet da welout ma hini karet
Evit profañ bleunioù dezhi
Friket am eus ul louarn pa oa-eñ o redek war-lerc'h ur yar
Hep teurel pled d'an dremenidi
'vel ur peul war vord an hent, sac'het ma c'harr,
Pa oan o varsoñjal ma c'hasoni
Er prad amezek e oa kazeg Michao hag he bouch
O sellout ouzhin en ur vousc'hoarziñ

Dont a raio ar goañv
Dont a raio ar goañv, paotred
Met biken ne glevoc'h ket mui
Ar c'hozh louarn brein o kanañ
Ar c'hozh louarn brein o kanañ
Trawalc'h hon eus klevet anezhañ

An eilantronoz e oan o klask adwelout ma hini karet
Evit ma digareziñ
Kaset am eus ur bleiz d'ar c'hleuz pa oa-eñ o c'hoari biz-meud
Hep teurel pled d'an dremenidi
'vel ur peul war vord an hent, sac'het ma c'harr,
Pa oan o varsoñjal ma c'hasoni
Er prad amezek e oa kazeg Michao hag he bouch
O sellout ouzhin en ur vousc'hoarziñ

Dont a raio ar goañv
Dont a raio ar goañv, paotred
Met biken ne glevoc'h ket mui
Ar c'hozh bleiz fall o kanañ
Ar c'hozh bleiz fall o kanañ
Trawalc'h hon eus klevet anezhañ