Tri Bleiz Die - Ar re c'hlas | Текст песни

• Тексты песен
• Tri Bleiz Die
• Ar re c'hlas

Ar chas a glevan oc'h harzal ! Setu ar soudarded c'hall !
Tec'homp kuit 'trezek ar c'hoadoù ! Kasomp a-raok hor chatal

Daoust hag eñ, paotred Kernev, e c'houzañvimp da viken
E c'houzañvimp ar vac'herien a wask al labourerien

Gwallet gante hor merc'hed koant ;
lazhet mamm ha mab ha den
Lazhet zoken an dud klañv paour,
abalamour d'o daouarn gwenn

Tanet gante ti ar beorien ; diskaret ar manerioù
Devet an ed, devet ar foenn, er parkoù hag er pradoù

Laeret zoken traoù an iliz, pilet zoken hon tourioù
Distrujet zoken ar c'harnelioù, ha skignet ar relegoù

Gwastet traoñioù kaer Breizh-Izel, ken druz ha ken glas gwechall ;
Ken na glever mui tro-war-dro mouezh den kennebeut chatal

C'hoazh ma vez droed skuilhañ, hor gwalc'h,
daeroù druz d'hon daoulagad
Nemet pa wel skuilhañ daeroù, ar bourc'hiz a skuilh ar gwad

Tevet, ma mamm, tevet, ma zad, ne in ket d'ho tilezel ;
Chom a rin evit ho tifenn, evit difenn Breizh-Izel

Reuzeudik-bras eo bout gwanet, bout gwanet n'eo ket mezhus
Nemet plegañ d'ar skraberien, evel tud lent ha kablus

Mard eo ret monet d'an emgann, emgann a rin 'vit ar vro
Mard eo ret mervel, e varvin ; kuit ha laouen war un dro

Tri Bleiz Die еще тексты