Tri Bleiz Die - Taol pled ! | Текст песни

• Тексты песен
• Tri Bleiz Die
• Taol pled !

Taol pled ! mekanik diaoulek, prest omp d'az peurlazhañ
Taol pled ! mekanik satanazet, gouest omp d'az kwall-lazhañ
Ni hon eus ganet hor mibien er boan hag en anken
Ni hon eus ganet hor merc'hed e doan ar c'hemmeskailhez
Oc'h analañ da boultrenn
Ken diaes m'eo bet bevañ.

Taol pled ! mekanik diaoulek, prest omp d'az tistrujañ
Taol pled ! mekanik satanazet, gouest omp d'az kas da netra
Gwelet hon eus koshaat hon tadoù dalc'het war o gwele
Gwelet hon eus mervel hor mammoù eus an deiz d'egile
E disheol ar greizenn
Pep hini 'guzh e gleñved en didrouz
Met piv n'eo ket bet dasskignet en hon touez ?

Paotr an interamant a zo aet d'an douar
E bered vihan ar vourc'h diouzh ar beure-mañ
Den nemet ar beleg, e brezegenn hag e groaz
Evit e gas d'an anaon da zeiz Kala-Goañv ;
Dindan ar glav pilpolos bountet gant ar gwalarn
Eo aet d'an douar paotr an interamant.

Taol pled ! mekanik diaoulek, prest omp d'az pulluc'hañ
Taol pled ! mekanik satanazet, gouest omp d'az puzuilhañ
Pehini ac'hanomp 'vo an nesañ da glevout 'kreiz an noz
Wig a wag hirisus karr an Ankoù o terriñ an didrouz
Ha ne glevoc'h ket, tudoù
An dever oc'h hor c'hervel 'vit sikour
Hor bed 'tal an dañjer nukleel o c'hourdrouz ?

Paotr an interamant a zo aet d'an douar
E bered vihan ar vourc'h diouzh ar beure-mañ
Den nemet ar beleg, e brezegenn hag e groaz
Evit e gas d'an anaon da zeiz Kala-Goañv ;
Dindan ar glav pilpolos bountet gant ar gwalarn
Eo aet d'an douar paotr an interamant.

Tri Bleiz Die еще тексты