Trilli - Piccon dagghe cianin | Текст песни

• Тексты песен
• Trilli
• Piccon dagghe cianin

Fra i moìn de Picaprîa che fàn stramûo
ghe n'êa de câza dónde són nasciûo
ghe són pasòu pe câxo stamatìn
ma fòrse o cheu o goidâva o mæ camìn
chi l'é de Zêna òu sa perché 'n magón
o m'à inpedîo de dî quést'oraçión

Picón dàgghe cianìn
mi són nasciûo chi sótta a sto camìn
són miâge che m’àn vìsto co-o röbìn
arigoelâme in gîo co-o careghìn
Picón dàgghe cianìn
sôvia sta ciàppa rótta a tochetìn
i cónpiti gh'ò fæto de latìn
e gh'ò mangiòu trenétte e menestroìn

Ma za ti stæ caciàndo zu o barcón
ti véddi gh'é a Madònna da Paisción
l'à fæta o mæ bacàn trént'ànni fa
pe gràçia riçevûa in mêzo a-o mâ

Picón dàgghe cianìn
són tùtti córpi dæti in sciô mæ cheu
se pròpio fâne a mêno ti no peu
picón dàgghe cianìn

Credéime pöche vòtte ò cénto génte
no m'emosciónn-o tròppo façilménte
ma quànd'ò vìsto càzze a piconæ
a stànsa dôve gh'é nasciûo mæ moæ
me s'é afermòu quarcösa pròpio chi
ò cénto e ò pregòu coscì

Picón dàgghe cianìn
són tùtti córpi dæti in sciô mæ cheu
se pròpio fâne a mêno ti no peu
picón dàgghe cianìn

Finalino
Fèrmite 'n pö picón t'aröbo un món
in tòcco de poexîa do Ciàn de Picaprîa

Trilli еще тексты