Trilli - Saluta Zena | Текст песни

• Тексты песен
• Trilli
• Saluta Zena

Da-a bocca se destacca za o vapôre,
o l’à i rimorchiatoî che o tian de prôa
o l’é italiàn, gh’é a póppa o tricolôre,
e o va lontàn da-o pòrto da chi a ’n’ôa.
Li in sce ‘na bitta gh’é asetòu un vegetto
che in scia caladda o va tutte e matìn,
co-a seu cadenn-a infiâ into giponetto,
co-o cióndolo, o relêuio e o cotelìn.
E amiando l’orizónte,
la in mezo a-e nûvie grixe,
mentre o vapôre o fìschia,
con l’ànima o ghe dixe:
“Ciao, salûtime ‘n pö Zena,
Portöia, a mænn-a e o Meu,
ciao, salûtime ‘n pö Zena
che l’ò senpre chi into cheu!
Ciao, salûtime i amixi
ch'én gente da mæ etæ,
ti l'abrassi e ti ghe dixi
che no l’ò mai ciù ascordæ!”

O pövio vêgio, triste e apascionòu,
la in scia caladda senpre o se n’andava;
pensando a-o tenpo quand’o l’ea sbarcòu,
pe-a testa quante cöse ghe pasava!
O se vedeiva zoêno e vigorozo
quand’o chinava in sce l’amiga costa,
fra un pòpolo tenace e laboriozo
co-unna vitalitæ da gente nòstra.
Co-i seu cavelli ræi,
tutti amaciæ de neie,
solo, co-o mâ davanti,
o ghe diva tutte e seie:

“Ciao, salûtime ‘n pö Zena...”

Trilli еще тексты