Universalia in Re - Ecce mundi gaudium (англо-нормандский рандель, XII в.) | Текст песни

• Тексты песен
• Universalia in Re
• Ecce mundi gaudium (англо-нормандский рандель, XII в.)

Ecce mundi gaudium,
Ecce salus gentium,
Virgo parit filium
Sine violentia.
Avem virgo regia,
Dei plena gratia

Natus est de virgine
Sine viri semine,
Qui mundat a crimine,
Rex, qui regit omnia.
Ave, virgo regia,
Dei plena gratia.

Angelus pastoribus:
Natus est in gentibus,
Qui dat pacem omnibus
Sua providentia.
Ave, virgo regia,
Dei plena gratia.

Reges tria praemia
Offerentes varia
Stella duce praevia
Ad salutis gaudia.
Ave, virgo regia,
Dei plena gratia.

Cum nil scire potuit
De nato, rex fremuit,
Et tota gens tremuit
Christi natalitia.
Ave, virgo regia,
Dei plena gratia.

Cum mori per gladios
Rachel videt, proprios
Moesta plorat filios,
Nulla sunt solatia.
Ave, virgo regia,
Dei plena gratia.

Universalia in Re еще тексты