Universidad Autónoma de Yucatán - Уроки юкатеко. Урок 2 | Текст песни

• Тексты песен
• Universidad Autónoma de Yucatán
• Уроки юкатеко. Урок 2

PEDRO: ¿Bix a bèel h José?
JOSE : Tòoh in wòol, ¿Kux tèech?
PEDRO : Beyxan tèen, tòoh in wóol.
JOSE : Kux a tàatah yéetel a na’, ¿bix u bèelo’ob?
PEDRO: Letio’obe’ tòoh yóolo’ob xan. José, ¿ku bin a pàalal xòok?
JOSE : Chéen huntúul ku bini’, le uláak’ ka’atúulo’ ma’ tu bino’ob xòok.
PEDRO: ¿Ba’axten ma’ tan u bino’ob xòok?
JOSE : Tumen k’abéet u yáantikeno’ob meyah.
PEDRO: Ma’alob ka u yáantecho’ob, ba’ale’ hach k’abéet u kaniko’ob xòok.
JOSE : Ha’alil ka in túuchto’ob oknak k’ìine’, beyo’ ku meyaho’ob bul k’ìine’, oknak k’ìin túune’ ku bino’ob xòok.
PEDRO: Ma’alob, túuchto’ob xòok.He’ in wa’alik ti le ah ka’ansah, ka ts’a’abak u ts’albil hu’uno’obo’.
JOSE : ¿Teche’ Pedro ka láah túuchtik a pàalal xòok?
PEDRO: Ku láah bino’ob, tak tèen kin bin, yéetel in watàan xòok.
JOSE : He’elo’ míin yàan in bin yéetel le pàalalo’, yo’olal u kaniko’ob xòok.
PEDRO: Ka xi’ike’ex, ti’ kin in wile’ex tu nahil xòoke’.
JOSE : Ma’alob he’ k bine’.
PEDRO: José, ¿bix u k’àaba’ le pàalal ma’atech u bino’ob xòoko’?
JOSE : U k’àaba’o’obe’ Carlos yéetel Jorge.
PEDRO: ¿Kux a watàan, bix u k’àaba’?
JOSE : Leti’e x Paula Noh.
PEDRO: Ts’o’ok in ts’íibtik u k’àaba’o’ob, pa’atik in bin.
JOSE : Hach Dyos bo’otik h Pedro, òok’in k ilikbah tu nahil xòok.


Universidad Autónoma de Yucatán еще тексты