. bhavaanyashhTakam.h ..
na taato na maataa na bandhur na daataa na putro na putrii na bhR^ityo na bhartaa .
na jaayaa na vidyaa na vR^ittir mamaiva gatistvaM gatistvaM tvamekaa bhavaani .. 1..
bhavaabdhaavapaare mahaaduHkhabhiiru papaata prakaamii pralobhii pramattaH .
kusa.nsaarapaashaprabaddhaH sadaahaM gatistvaM gatistvaM tvamekaa bhavaani .. 2..
na jaanaami daanaM na cha dhyaanayogaM na jaanaami tantraM na cha stotramantram.h .
na jaanaami puujaaM na cha nyaasayogaM gatistvaM gatistvaM tvamekaa bhavaani .. 3..
na jaanaami puNyaM na jaanaami tiirthaM na jaanaami muktiM layaM vaa kadaachit.h .
na jaanaami bhaktiM vrataM vaapi maatar gatistvaM gatistvaM tvam ekaa bhavaani .. 4..
kukarmii kusaN^gii kubuddhiH kudaasaH kulaachaarahiinaH kadaachaaraliinaH .
kudR^ishhTiH kuvaakyaprabandhaH sadaahaM gatistvaM gatistvaM tvamekaa bhavaani .. 5..
prajeshaM rameshaM maheshaM sureshaM dineshaM nishiitheshvaraM vaa kadaachit.h .
na jaanaami chaanyat.h sadaahaM sharaNye gatistvaM gatistvaM tvamekaa bhavaani .. 6..
vivaade vishhaade pramaade pravaase jale chaanale parvate shatrumadhye .
araNye sharaNye sadaa maaM prapaahi gatistvaM gatistvaM tvamekaa bhavaani .. 7..
anaatho daridro jaraarogayukto mahaakshiiNadiinaH sadaa jaaDyavaktraH .
vipattau pravishhTaH pranashhTaH sadaahaM gatistvaM gatistvaM tvamekaa bhavaani .. 8..
.. iti shriimadaadisha.nkaraachaarya virachitaa bhavaanyashhTakaM samaaptaa ..
Статистика страницы на pesni.guru ▼
Просмотров сегодня: 1