Vital Ryžkoŭ - Žyć ź litaratury (Siarhij Žadan) | Текст песни

• Тексты песен
• Vital Ryžkoŭ
• Žyć ź litaratury (Siarhij Žadan)

Kali-niebudź ja paśmiajusia z hetaha ŭsiaho -
o tak, my ŭsie tady narabili stolki hłupstvaŭ,
žyćcio źmianiajecca, my
źmianiajemsia razam ź im,
čyhunnyja plaściny ŭ klučycach spajvajuć
kości namiortva, voś tak
žyvuć sapraŭdnyja paety,
abrastajučy pobytam, niby tłuščam,
voś tak paety
kładucca pad bladzkuju paeziju,
pradajucca joj, voś tak
z narmalnych mužykoŭ
robjać paetaŭ.

Kali-niebudź jana ŭsio zrazumieje,
viadoma, zrazumieje, što tut
razumieć nasamreč -
rvanyja mnoju kašuli,
pabity joju posud,
voś tak žyvuć sapraŭdnyja paety -
ani namioku na prystojnaść,
prystojnaść
prydumali
liberaly,
chaj spačatku pasprabujuć žyć
jak sapraŭdnyja paety, nu, jak jano -
škada siabie? praŭda ž,
škada siabie? voś mienavita tak
jany i žyvuć - sapraŭdnyja paety,
aha - mienavita tak, sapraŭdnaje žyćcio,
sapraŭdnyja paety.

Sapraŭdnyja słuchačy,
tyja, chto słuchaje,
tyja, chto razumieje - tak, mienavita jany,
zaŭždy padtrymajuć i zrazumiejuć,
kali ty kažaš im - hospad,
hety pastuch słaby, jon
pamiataje pra vas,
jon pastuch, jamu
što zima, što leta -
adzin chuj, -
jany reahujuć tolki na chuj.

Kali ja kažu joj - ja
chaču z taboju pamierci,
jana słuchaje nie da kanca,
jana zusim ničoha
nia viedaje pra śmierć, tak
ža, jak ja ničoha nia viedaju
pra žyćcio.

Kali-niebudź usio stanie
na svaje mescy.
Bol - paniatak, što
zaležyć as času,
a čas pracuje na nas.
Spalenyja znutry pakoji bardelaŭ,
menstrualnaja kroŭ na revalucyjnych ściahach,
adsutnaść sumnievaŭ,
adsutnaść uspaminaŭ,
adsutnaść mahčymaści niešta źmianić -
voś tak žyvuć sapraŭdnyja paety,
voś tak pamirajuć sapraŭdnyja svołačy.