Wolfgang Amadeus Mozart - Apollo et Hyacinthus (K. 38): Chorus I. 5 [Recitativo] — Heu! Numen! ecce! | Текст песни

• Тексты песен
• Wolfgang Amadeus Mozart
• Apollo et Hyacinthus (K. 38): Chorus I. 5 [Recitativo] — Heu! Numen! ecce!

ZEPHYRUS
Heu! Numen! ecce! Numen huc gressum movet;
Melia quid agimus? indica effugii locum!
Timeo ferocem.

MELIA
An ergo me solam obiicis?
Subsiste! nam iactata sic perstat fides?

ZEPHYRUS
Ne patere, quæso, ut noceat insonti Deus!

APOLLO
Adesne latro! fraudis infandæ artifex!
Hyacinthum amicum rapere non fuerat satis?
Rapuisse sponsam numquid et nostram simul,
Sceleste, tentas? crimen et mendax novis
Criminibus auges? Impie! iratum tibi
Quid possit, experire, iam Numen modo!
Amantis et nocentis, et iuste quidem
Nocentis experire vindictam Dei!
Irruite, venti! claude sceleratum specu
Aeole!

ZEPHYRUS
Quid! heu me!

MELIA
Quid agis, o Numen grave!
Funeribus an replere vis regnum Patris?
Iam Fratre cæso occidis et Zephyrum simul?
Tyranne! nunc et Meliam et regem obprimes?

APOLLO
O cara!

MELIA
Quid! vocasse me caram audes?
Cruente!

APOLLO
Me percipere si non sit grave.

MELIA
Est grave, tace! atque nostra, sic Genitor iubet,
Illico relinque regna, ne noceas magis!

APOLLO
(Ah, pone tandem fulmen o Supernum Pater!
Quousque persequetur hic miserum furor?)

Wolfgang Amadeus Mozart еще тексты