Wolfgang Amadeus Mozart - Apollo et Hyacinthus (K. 38): Prologus. 6 [Recitativo] — Ah Nate! vera loqueris | Текст песни

• Тексты песен
• Wolfgang Amadeus Mozart
• Apollo et Hyacinthus (K. 38): Prologus. 6 [Recitativo] — Ah Nate! vera loqueris

OEBALUS
Ah, Nate! Vera loqueris: at metuo tamen,
Apollo ne fors perdat hoc igne Oebalum.

APOLLO
Apollo vestras audit, o credite! preces
Suamque pollicetur his terris opem,
Recipere si velitis hunc modo exsulem
Iramque fulminantis exosum Iovis.

OEBALUS
Quid? Numen hac sub veste pastoris latens
In nostra præsens regna suscipi cupit?

HYACINTHUS
En Genitor! ut lusisse nos superi solent!
Iam tibi medelam sæva post vulnera Deus
Adfert, tuamque regiam præsens beat.

MELIA
O quam beato sidere hæc nubila dies
Nos recreat, ipse Apollo dum nostros lares
Optatus hospes visitat! O quantus decor!
Quæ forma! quanta dignitas! Quanta omnibus
Gloriaque membris atque maiestas sedet!

APOLLO
Melia! quid in pastore tam dignum vides
Suspensa quod mirere?

MELIA
Video.

APOLLO
Et quid vides?
Eloquere pulchra!

MELIA
Video pulchrum Apollinem,
Cui cum Parente corda iamdudum obtuli.

APOLLO
Quod obtulisti pectus, haud revoca amplius;
Hoc inter orbis dona præprimis placet.

ZEPHYRUS
(Hyacinthe! quantum timeo præsentem Deum!)

HYACINTHUS
(Me quoque tremenda dignitas timidum facit.)

APOLLO
Hyacinthe! amicum semper addictum tibi
Habebis in me, amare si Deum potes.

HYACINTHUS
O quanta res, diligere si Hyacinthum potes!

ZEPHYRUS
(Heu! nunc amatum Apollo mihi puerum rapit!)

OEBALUS
Dies beata! Numen o sanctum! meos,
Manere si dignaris, ingredere Lares,
Diuque me rogante nobiscum mane.

APOLLO
Habebis in me, crede, tibi facilem Deum.

Wolfgang Amadeus Mozart еще тексты