Гуру ПесенZaki Makhmutov - Ber qaytahi ine tiugan yaqqa.mp3 | Текст песни
Ғилман Иҙрисов һүҙҙәре Венер Мөхәмәҙиев көйө
Бына тағы китәм алыҫтарға,
Тыуған яғым, һинән айырылып.
Тыуған яғым, һинән айырылып,
Һөйгәнемде һиндә ҡалдырып.
Зәңгәр томандар артында
Бик алыҫтарҙа ҡалһам да,
Мин йырлармын өҙөлөп-өҙөлөп,
Тыуған яғым, һине һағынып,
Йөрәккәйем әрнеп янғанда.
Бик һағындым иген яландарын,
Күк тирәкле Эйек буйҙарын,
Йәмле яҙҙа йөрәк елкендереп,
Шаулап үткән һабантуйҙарын.
Зәңгәр томандар артында
Бик алыҫтарҙа ҡалһам да,
Мин йырлармын өҙөлөп-өҙөлөп,
Тыуған яғым, һине һағынып,
Йөрәккәйем әрнеп янғанда.
Бер ҡайтаһы ине бала сағым,
Ялан аяҡ йөрөгән сағыма.
Бер ҡайтаһы ине йәшлегемә,
Тәүге мөхәббәтем янына.
Зәңгәр томандар артында
Бик алыҫтарҙа ҡалһам да,
Мин йырлармын өҙөлөп-өҙөлөп,
Тыуған яғым, һине һағынып,
Йөрәккәйем әрнеп янғанда.
Статистика страницы на pesni.guru ▼
Просмотров сегодня: 1