Абдуллах Борлаков - Кёчгюнчюлюкню джыры | Текст песни

• Тексты песен
• Абдуллах Борлаков
• Кёчгюнчюлюкню джыры

Музыка и стихи Зейтуна Геккиева.

Азияда окъуб билим алалмай,
Комендатсыз башха элге баралмай,
Сюймекликни сынаб, тёзюб джашаугъа,
"Кёчгюнчю" деб, саналмайын адамгъа.

Къарт къарыусуз атала бла анала,
Къум тюзледе эллерйне тарала,
Къагъанакъла ашдан тоймай, къычыра,
Джата элле бешикледе, джан ала.

Мен бу джырны джырлайма алагъа -
Эрге чыкъмай, ёлген таулу къызлагъа,
Джаныбыздан сюйген мийик таулагъа,
Бизни Кязимге салыннган сын ташха.

Къазауатдан къайтхан таулу джашла уа,
Эллеринде киши табмай, къыйнала.
Юйюрлерин къайда табаргъа билмей,
Элден элге айлана элле излей.

-Не этгенле къырал ючюн ёлгенле,
Къазауатдан къолсуз, бутсуз келгенле -
Деб джазаед бизни Къайсын къыйнала,
Назмуларын чыгъаралмай басмагьа.

Мен бу джырны джырлайма алагъа -
Урушда ёлген таулу джашлагъа,
Джаныбыздан сюйген мийик таулагъа,
Кёчкюнчюлюк сынагъан адамлагъа.

Ахырында мен айтырым келеди,
Кечкюнчюлюкню билирге керекди.
Унутмайыкъ миллетибиз кергенни.
Унутмайыкъ Азияны тюзлерин.

Унутмайыкъ ачлыкъдан ёлгенлени,
Унутмайыкъ къыйынлыкъны бергенни,
Берия бла Сталин этген хатаны,
Унутмайыкъ джетинчи ноябырны.

Мен бу джырны джырладым алагъа -
Чечен миллетге эм ингушлулагъа,
Малкъар миллетге, Къарачай халкъыма.
Кеб ёмюрлени джашасынла ала!

Малкъар миллетге, Къарачай халкъыма.
Энди кёчкюнчюлюк сынамасынла!