Һин минең йәнемдең яртыһы
1. Һин – минең йәнемдең яртыһы,
Йәшәйһең йөрәгем түрендә,
Нур һибеп бараһың юлыма
Балҡыйһың күңелем күгендә.
Ҡушымта:
Мин һине ғүмерем буйына
Ышыҡлап барырмын елдәрҙән.
Өҙөлһә бараһы юлдарың –
Үрермен мин күпер гөлдәрҙән.
2. Беҙ икәү – айырылмаҫ пар ҡанат
Бер кем дә керә алмаҫ араға.
Хәсрәтте бүлербеҙ икегә,
Сит – яттар тоҙ һалһа яраға.
3. Донъя был... Бармай ул гел тигеҙ,
Шатлыҡ бар тормошта, ҡайғы бар.
Ал ҡояш булып мин балҡырмын,
Күгеңде ҡаплаһа болоттар.
Статистика страницы на pesni.guru ▼
Просмотров сегодня: 1