Айҙар Ғәлимов - Урман | Текст песни

• Тексты песен
• Айҙар Ғәлимов
• Урман

Ғанс Сәйфуллин көйө
Гөлшат Зәйнәшева һүҙҙәре

Йырлап ҡайтып киләм борма юлдан,
Мең тауышлы көйөн көйләй урман.
Йәшел яландары (аҡландағы) сиҡҡән (хәтфә) юрған,
Сабый сағым, әллә шунда ҡалған?

Эй, урман, урман. Йәйге урман,
Йүгереп үтер инем юлыңдан.
Ҡаршы сыҡһа (сыҡҡан) сабый сағым.
Ошо урман буйынан (юлынан).

Йырлап ҡайтып киләм борма юлдан,
Тирә-яғым гөлдәр менән тулған.
Ағас һайын һарар ҡошсоҡ ҡунған,
Әллә кемде һағына кеүек урман.

Эй, урман, урман. Йәйге урман,
Кемдәр яуға киткән был юлдан (юлыңдан)?
Яуҙан ҡайтмай ҡалғандарҙы
Һағына ахры ул урман.