Айдар Галимов - Кайтам инде донья урап | Текст песни

• Тексты песен
• Айдар Галимов
• Кайтам инде донья урап

Чулпан Зиннәтуллина көе
Разил Вәлиев сүзләре

Кайтам инде дөнья урап,
Туган як болынына.
Болыннарда атлар чаба,
Мин анда колын гына.

Чит илләрдә, чит җирләрдә
Газиз гомерләр үткән.
Диңгез суы нигә тозлы? —
Әллә күз яше микән?

Кайтам инде дөнья урап,
Адашам урманымда.
Минем язмыш туры килде
Юлларның уравына.

Чит илләрдә, чит җирләрдә
Газиз гомерләр үткән.
Диңгез суы нигә тозлы? —
Әллә күз яше микән?

Кайтам инде дөнья урап,
Туган як кырларына.
Йөрәккәем түзәр микән
Тургайлар җырлавына?!

Чит илләрдә, чит җирләрдә
Газиз гомерләр үткән.
Диңгез суы нигә тозлы? —
Әллә күз яше микән?

Кайтам инде дөнья урап,
Шәл япкан талларыма.
Әнкәй үзе, шәл ябынып,
Чыгар күк алларыма.

Чит илләрдә, чит җирләрдә
Газиз гомерләр үткән.
Диңгез суы нигә тозлы? —
Әллә күз яше микән?