Алексеев Алексей - Куккук | Текст песни

• Тексты песен
• Алексеев Алексей
• Куккук

Çарăмсан кукринче, кукринче
Шурă хурăн çинче, хурăн çинче
Час-часах ик куккук авăтать
Куккуксен сассипе, тăлăхсем йĕрнипе
Шурă хурăн тăрри авăнать
Куккуксен сассипе, тăлăхсем йĕрнипе
Шурă хурăн тăрри авăнать

Пĕр куккук авăтать, авăтать
Куççулне тумлатать, тумлатать
Вăл шырать чĕппине таврара
Вăл ăна кăларман, вăл ăна ăшăтман
Чĕппи ӳснĕ ун ют йăвара
Вăл ăна кăларман, вăл ăна ăшăтман
Чĕппи ӳснĕ ун ют йăвара

Кĕç тепри авăтать, авăтать
Ун куççулĕ тумлать, кĕç тумлать
Йыхăрать хăй патне тăванне
Юнашар туратра унăн амăш ларать
Палламасть çав мĕскен амăшне
Юнашар туратра унăн амăш ларать
Палламасть çав мĕскен амăшне

Çарăмсан кукринче, кукринче
Шурă хурăн çинче, хурăн çинче
Куккуксем авăтаççĕ час-часах
Тăван амăшĕпе тăван хĕрĕ пĕрле
Пĕр-пĕрне палламаççĕ çаплах
Тăван амăшĕпе тăван хĕрĕ пĕрле
Пĕр-пĕрне палламаççĕ çаплах

Алексеев Алексей еще тексты