Алексей Московский - Каçхи хула ( Ночной город ) | Текст песни

• Тексты песен
• Алексей Московский
• Каçхи хула ( Ночной город )

Пит илемлĕ каçхи хула,
Канăç çук ман ăна пула.
Кантăксен çутисем - пин-пин,
Ĕçлĕ халăх сывлать, эппин.

Пур кунта ырăпа усал.
Пур ултав, шел, чăнни сахал.
Мĕн çĕнтерĕ-ши малашне?
Çук хурав çак ыйту çине.

Хушса юрламалли:

Эсĕ вĕрентрĕн мана пурăнма,
Тав сана, тĕлĕнтермĕш хула!
Вăхăт та çитрĕ пире уйрăлма,
Сывă пул, эп тухатăп çула!

Илтĕнет кĕвĕ инçетрен.
Шăпланмасть шур хула ирччен.
Çамрăксем çĕрĕ-çĕрĕпе
Вăй виçеççĕ пĕр- пĕринпе.

Вĕсене янă ирĕке.
Хăçан тăвĕç кăштах йĕрке?
Урама кăларма хĕрне
Шикленет амăш каçхине.


Алексей Московский еще тексты