Алексей Московский - Каялла чĕртеймĕн | Текст песни

• Тексты песен
• Алексей Московский
• Каялла чĕртеймĕн

Çамрăк хурăн çулçипе
Çил ачийĕ вылясшăн.
Эс мана, чипер пике,
Вăтанмасăр суясшăн.

Вăйă-ташă картине
Тепринпе ав утатăн.
Лекнĕçем ун ытамне
Эс пуçна çухататăн.

Хушса юрламалли:

Татнă сарă чечекне
Каялла чĕртеймĕн.
Иртнĕ кунăн илемне
Кĕмĕлпе илеймĕн.

Тен, савмашкăн ман чĕре
Çепĕççĕн пĕлмерĕ.
Пĕрештермĕ тек пире
Юрату кĕперĕ.

Чунăмри сурансене
Эс нихçан ăнланаймăн.
Вăхăт сиплĕ вĕсене,
Халь вара ним тăваймăн.

Йăлкăшаймĕ çĕнĕрен
Туйăмсен çут кăвайчĕ.
Çав-çавах ман сан çинчен
Тутлă тĕлĕк курасчĕ.


Алексей Московский еще тексты