Алибек Тамбиев - Акъ юй | Текст песни

• Тексты песен
• Алибек Тамбиев
• Акъ юй

Сёзлери Эбзеланы Абу-Юсуф хаджини, макъамы - Тамбийланы Алибекни.

Къыйынлыкъ болуб къалды бу акъ юйге джюрюген,
Кюн сайын ары баргъан, андан ызына келген.

Саулай район барысы алайгъа джол салгъанла,
Халкъ орамгъа джайылыб, юйсюз-кюнсюз къалгъанла.

Кабинетинде ишин билген хазна кёрмезсе,
Бу тукъум къуджур ишге, не этсенг да тёзмезсе.

Саулай район джол салыб, джюрюйдюле акъ юйге.
Баргъанлагъа къарайла, къарагъанча айюге.

Тамбла кел, бюрсюкюн кел, бир ыйыкъдан келирсе,
Кабинетде кишини табсанг сен бир кёрюрсе.

Барсанг да, толу джууаб хазнасы бералмайды,
Къаллайла кирди ары – ишин а билалмайды.

Меннге неге келгенсе, башха кабинетге бар,
Барсанг къаш-башын тюйюб, ол да башхагъа къыстар.

Джукъ айтыр мадарынг джокъ, сен мурулдай къайтырса,
Гёджебсиниб ичингден талай аман айтырса.

Бир кере барырынгы, талай да бардырырла,
Сени джолда джюрюте, джюрегинги джарырла.

Халкъ ишин къоюб барса, кабинетде табылмаз,
Бюгюн джокъду ол ишде – дер сеннге бир уялмаз.

Сау районну иши джокъ, бара-келе турсунла,
Халкъны джукъгъа санамай, джюрютгенле къурсунла!

Иши джокъмуд миллетни, эригибми туралла?
Бир кабинет алгъанлай, уллу болуб къалалла.

Ала ары киргенлей, патчах къалай болалла,
Джумушчу болгъанларын унутубму къоялла?!

Халкъны сан этмесе да, Джаратхан а не айтыр,
Кабинет ёмюрлюкмюд, бир кюн Иесине къайтыр.

Хар бирини борчуду заманында барыргъа,
Баргъанланы баджарыб, инджитмей ашырыргъа.

Алайсыз къадар адам ахратда дау айтырла,
Ала амалтын сизни терк соруугъа тартырла.

Алибек Тамбиев еще тексты