Алие Джеван - Ешиль япракъ | Текст песни

• Тексты песен
• Алие Джеван
• Ешиль япракъ

Ешиль япракъ арасында,
Къырмызы гуль гъонджеси.
Нерде къалды, кельмез олды,
Гонълюмнинъ эгленджеси.

Вардым ярем багъчасына
Гуль далында гуль битер.
Эр кимде учь-беш яр олса,
Манъа бир дане етер.

Вардым ярем багъчасына,
Бир нар кестим емеге.
Севдигиме бир созюм вар,
Утанырым демеге.

Вардым ярем багъчасына
Гуллери мерджан киби.
Акъ герданда бенълери вар,
Эр бири бир джан киби.

Вардым ярем багъчасына,
Бульбуль сандым сесини.
Назлы ярем къозучыгъым,
Эгри къоймыш фесини.


Алие Джеван еще тексты