Алим Газаев - Жабо къала - Бекмырзала, Къайсынла | Текст песни

• Тексты песен
• Алим Газаев
• Жабо къала - Бекмырзала, Къайсынла

Эй, не этейиг'а, ой!

Башыбыздан ала къаргъа къычырды,
Къолубуздан шайтанлы байтал, ой, ычхынды,
Барды, барды, Ууберекке чуу этди.
Эй, чуу этди да, ой!

Тартдым-тартдым - атылмады, урмады
Байтуханны мен бур уллу, ой, къазмычы,
Ай, медет, ол кюн болгъан эди ахшы эрлени азмычы.
Эй, азмычы да, ой!

Бий Бекмырза ол кюн къара чаука болгъанед,
Алхынлада ууакъ-ууакъ, ой, кезлеуле,
Къара чаука кезлеулеге къоннганед.
Эй, къоннганед да, ой!

Ушкоклагъа окъ салыргъа къоймайды,
Къуруп къаллыкъ буз чучхурну, ой, букъусу,
Ай, медет, ол кюн басхан эди ахшы эрлени ёлюлени жукъусу.
Эй, жукъусу да, ой!

Бий Бекмырза ол кюн душманына дертин жетдирди,
Жаш Къайсын да, Бекмырза кибик, ой-ой
Душманлагъа дертин жетдирди.
Эй, жетдирди да, ой!

Азгек тышлы къобурам, чыран суула тама, тамычыдан кёл болду,
Ай, медет, бюгюн ахшы эрлени, ой, кюню эди санларым къымылдамаз жел болду.
Эй, жел болду да, ой!

Лохум сууундан секирип ётюучю аркъалыкъны
Учхара, аман Геюргю, ой, сындырды.
Баракаллы болсун, машалла, сары къулакъ жюрегинги тындырды.
Эй, тындырдыда, ой!

Бет тапдыла ол кюн Бызынгылы сары тонлу ёзденле.
Къорасынла Уллу Малкъарда, ой, жаш бийле,
Экишер а окъ салгъынчы, къатыбызда тёзмелле.
Эй, тёзмелле да, ой!

Атто Гекки - эр Гекки Тотурланы эгери,
Аттоланы эр Гекки, ой, болгъу эди
Ол кюн тауну артында ол эки сабийни нёгери,
Эй, нёгери да, ой!

Орусбий улу бий Кючюк жаугъа жетсе - арслан кибик къайырылды,
Аттоланы эр Гекки, ой, ол кюн алхынлада
Он бармакъны бешисинден айырылды.
Эй, айырылды да, ой!

Рахай улу Токъ тоноу таякъла жыйды, жанын жюк этди,
Жаратхан Аллах Жабо бийни алтын кибик, ой, юйюрюн,
Аллах-Аллах, жангыз кюннге тау артында тюп этди.
Эй, тюп этди, ой!

Алим Газаев еще тексты