Алим Газаев - Кёчгюнчюлюк | Текст песни

• Тексты песен
• Алим Газаев
• Кёчгюнчюлюк

Таула сарнагъанда

Сегизинчи мартда, танг аласында,
Халкъны тар ырбыннга тыйдыла.
Сабий, къарт демей, халкъны барысын да
Машиналагъа джыйдыла.

Тау къушла кибик, ёхтем таулу джашла
Урушда къазауат этелле.
Иесиз къалыб, къабырла, сын ташла,
Халкъымы уа къайры элтелле?

Терслигибиз болмай, алыб баралла,
Къайры элтгенлерин билмейбиз.
Къар тауларыбыз узакъда къалалла,
Биз а ышармайбыз, кюлмейбиз.

Таулада къалгъан итлени юргенлери
Джюрек джауунгу ашайды.
Саулукъ ийнеклени ёкюргенлери
Къыяма айланнганнга ушайды.

Биз хариблени алыб баралла,
Вагонла, сынджырча, тизилиб.
Джолда атылгъанлай кёбле къалалла,
Джашар ёмюрлери юзюлюб.

Къабырларын ёксюз къоймазла таулула,
Эртде, кеч болса да, къайтырла.
Адамлыкъларын джоймазла таулула,
Терслеге дауларын айтырла.

Алим Газаев еще тексты