Алим Газаев - Къарачайым-Малкъарым(Мой Карачай,моя Балкария) | Текст песни

• Тексты песен
• Алим Газаев
• Къарачайым-Малкъарым(Мой Карачай,моя Балкария)

Pesni.guru - сайт для Гуру

Музыка Бориса Турклиева, стихи Нория Созарукова.

Деу аланла зорчуладан, джауладан
Кёб ёмюрлени Аллах бла сакъланнган,
Сейир джуртну эркелете, ийнакълай,
Биз джашайбыз - Малкъар бла Къарачай!

«Бу дунияны джандети» деб аталгъан
Тау джерибиз махтау бла айтылгъан.
Сууларыбыз – тамам кюмюш белибау,
Къууанчыбыз – эки башлы Минги Тау.

Припев:
Къарачайым-Малкъарым,
Экигиз да - эки учар къанатым,
Бир миллетден джаратылгъан эки халкъ,
Шох турабыз, бир-бирге болуб джакъ.

Тамаданы сыйлаб, орун бергенле,
Тиширыуну ана къачын кёргенле,
Къартларыбыз – тюз оноулу, келбетли,
Джаш тёлюбюз – тау намыслы, адебли.

Къыйын кюнде шохун-тенгин сатмагъан,
Башхалагъа сауут алыб чабмагъан,
Тюзлюк джолда тенг атлагъан эгизле,
Зорлукъ, ачыу сынамагъыз ёмюрде!

Припев.