Бердәнберемә
Мөхтәр Минһаҗев көе Сания Әхмәтҗанова сүзләре
Нигә юкка шикләнәсең,
Нигә юкка сыныйсың?
Ятларга яр булырсың,дип,
Ник аерылу юрыйсың?
Синеке мин,тик синеке!
Күрмисеңмени үзең?
Газапланма,газапланма -
Оныт "хыянәт" сүзең.
Ышанырлык та түгел шул
Артык кайнар хисләрем.
Сөюемнән йөрәгемә
Утлар капса,нишләрмен?
Синеке мин,тик синеке!
Күрмисеңмени үзең?
Газапланма,газапланма -
Оныт "хыянәт" сүзең.
Үзең дә "бердәнберем" дип
Әйтче күземә карап.
Ятка күз салмаслык итеп,
Миннән дә ныграк ярат!
Синеке мин,тик синеке!
Күрмисеңмени үзең?
Газапланма,газапланма -
Оныт "хыянәт" сүзең.
Статистика страницы на pesni.guru ▼
Просмотров сегодня: 1