Алия Садирова - Айжан Табаракқызы - Көндігіп кеттік... | Текст песни

• Тексты песен
• Алия Садирова
• Айжан Табаракқызы - Көндігіп кеттік...

Көндiгiп кеттік iшуге Бiз уды әр күн,
Көңiлiм ғана күтетiн Күзімді салқын.
Оңашада қалғанда жүрегім маған,
Кірпіктен жасты үйретті үзуді бәлкім.

Ұмытам деп ем...тағы да сағындым бүгін,
(Бiреудiң жүрмін аялап бағының гүлiн)
Сен шыдарсың...тек өзім қиналамын ғой,
Аттауға батпай қайтейін,арымның жібін.

Уақыт бәрін өшірер сезімге деген.
Өлеңнен өзге түк қалмас өзіңе менен,
Мына әлемнен таппаған мейірді,күнім,
Мен ғана ұғар сыры бар көзіңнен көрем.

Өлең ғана ма біз үшін сүюдің соңы,
Сен неге болдың осы бір күйімнің соры?!
Ұқтырыңдаршы жаныма сезімнен өзге,
Болса егерде басқаша күюдің жолы?