Алпамыс ФАЙЗОЛЛА - Бір ақынның жүрегі деп ұғыңдар (оқыған: Арман ҚҰДАЙБЕРГЕН) | Текст песни

• Тексты песен
• Алпамыс ФАЙЗОЛЛА
• Бір ақынның жүрегі деп ұғыңдар (оқыған: Арман ҚҰДАЙБЕРГЕН)

Елді ойлап болу үшін шерменде,
Тәңір маған таза ниет берген бе?
Бір ақынның жүрегі деп ұғыңдар,
Хош иісті әдемі гүл көргенде.

Жамандықты көрсем егер ыршыдым,
Жалғасымын кешегі ақын, жыршының.
Бір ақынның жүрегі деп ұғыңдар,
Көктемеде ағаштардың бүршігін.

Жетелейді шырқау шыңға ұлды арман,
Өлеңімде арман жайлы жырланған.
Бір ақынның жүрегі деп ұғыңдар,
Жарық айды түнгі аспанда нұрланған.

Шалқар шабыт ішке сыймай қыстады,
Мендік сезім дайын құс боп ұшқалы.
Бір ақынның жүрегі деп ұғыңдар,
Қардың әппақ әр ұлпасын қыстағы.

Көмейінен отты сөздер төккен дүр,
Ақын жаны – аққу қонар көк көл бір.
Бір ақынның жүрегі деп ұғыңдар,
Гүлге тұнған таңғы шықты мөп-мөлдір.

Қадірлейік жақсылықтың жаршысын,
Жақсы адамға сілтемеген қамшысын.
Бір ақынның жүрегі деп ұғыңдар,
Жазда жауған ақ жаңбырдың тамшысын.

Ғалам жайы ет жүрегін тілімдеп,
Дұғасында ол Аллаға жүгінбек.
Бір ақынның жүрегі деп ұғыңдар,
Күнді-дағы көкте тұрған күлімдеп.


Алпамыс ФАЙЗОЛЛА еще тексты