Алпамыс ФАЙЗОЛЛА - Өзіңе арнаған жырымды...(оқыған: Арман ҚҰДАЙБЕРГЕН) | Текст песни

• Тексты песен
• Алпамыс ФАЙЗОЛЛА
• Өзіңе арнаған жырымды...(оқыған: Арман ҚҰДАЙБЕРГЕН)

Даланың аппақ құсынан,
Хатымды саған ұсынам.
Өзіңе арнаған жырымды,
Қағаз ұшақ қып ұшырам.
Самал жел саған жеткізер.

Қызысың өзге қаланың,
Бос кетпесе екен талабым.
Жырымды ерке өзенге,
Қағаз кеме қып саламын.
Толқындар саған жеткізер.

Өлең-тұлпармен желемін,
Шабытыма да еремін.
Өзіңе арнаған жырымды,
Түнде айға оқып беремін.
Жарық ай саған жеткізер.

Жаратқан беріп көмегін,
Алады шайыр керегін.
Өзіңе арнаған жырымды,
Бұлттарға оқып беремін.
Ақ жауын қылып жеткізер.

Сұрапыл жастық отымен,
Бөгеттерден де өтіп ем.
Жырлардан ақын жолдаған,
Сыр ұқпай қалма өтінем.
Табиғат саған жеткізер...


Алпамыс ФАЙЗОЛЛА еще тексты