Альберт Узденов - Ата джуртум, Алан джуртум | Текст песни

• Тексты песен
• Альберт Узденов
• Ата джуртум, Алан джуртум

Музыка и стихи Альберта Узденова.

Ата Джуртум, Алан джуртум зорлукъ отда кюл болуб,
Кюл аш болду зордан къалгъан таджал алан урлукъгъа.
Ата шартынг, алан шартынг джуртха таба кёл болуб,
Андан ичдинг, андан чакъдынг, бойсунмадынг зорлукъгъа.

Припев:
Джашна халкъым, Теркден джете Лабагъа,
Гюл кюнгеча бур бетинги Каабагъя
Ана тилинг, баба тилинг – шумер тил
Аллах Берген шыйых тилни этме кюл.

Тинин, динин,джерин сакълай ёлген джигит эрлени,
Шейит болуб, кетгендиле хур джандетге джанлары.
Къанлы джаула джуртха чаба, джара салгъан джерлени
Битейдиле, джуртну сакълай ёлгенлени санлары.

Припев.

Хей, къыйынлы, таджал халкъым, сен сынагъан къыйынлыкъ
Кёблюк этер сау дунияны халкъларына,джерине...
Джашна, халкъым, джауларынгы акъыл бла, билим бла джыкъ,
Тири атлай, намыс сакълай, чыкъ насыбны тёрюне!

Припев.

Джаша, халкъым, сен сынама энди сюргюн, къазауат!
Сен кёргенден кери этсин Аллах адам улусун!
Джесирликни сезиминден джюрегинги тазалаб,
Азатлыкъгъа юренирге Уллу Аллах буюрсун!

Припев.

Альберт Узденов еще тексты