Альберт Узденов - Болма разы | Текст песни

• Тексты песен
• Альберт Узденов
• Болма разы

муз. и сл. Альберта Узденова

Не эсе да бюгюн энтда тутду аманым,
"Сау къал!" - дерге джуукълаша болур заманым?..
Тенглеримден, джуукъладан ала разылыкъ,
Кетер эдим, берсенг менге, анам, разылыкъ.

Туудугъунгу джылатсала орамда бирле,
Таныгъанла: "Нек тиесиз ёксюзге?" - дерле.
Джазыкъсынмакълыкъ джюрекге асыу а болмаз,
"Атам" сёзню анга башха биреу толтурмаз.

Къызчыкълагъа сингиб къала болур ана сыр?..

Тууудукъчунг кимге къараб, "Атам", - деб айтыр?
Бир бек мыдах джырланады, анам, ма бу джыр,
Алкъын туумагъан джырлагъа къазгъанча къабыр.

Болма, болма, болма, анам, сен менге разы,
Сенге сагъыш этмеген мурдарма - эм азы!
Ёксюзлюкню сынатырыкъ эки балагъа,
Ана тилде джангы тууа тургъан джырлагъа.

Не эсе да бюгюн энтда тутду аманым,
"Сау къал!" - дерге джуукълаша болур заманым?..
Тенглеримден, джуукъладан ала разылыкъ,
Кетер эдим, берсенг менге, анам, разылыкъ.

Альберт Узденов еще тексты