Альберт Узденов - Къалай къыйынды | Текст песни

• Тексты песен
• Альберт Узденов
• Къалай къыйынды

Музыка и стихи Альберта Узденова.

Мен кёрмедим ата джылыу,
Сен кёрмединг ата джылыу.
Бир суукъ къыш Аллах бизни тюбетди.
Сёзлерибиз бола асыу,
Бизден кесек кете джарсыу,
Заман бизни джылы джазгъа тебретди.

Тюзде къарны сюрсе боран,
Бир-бирине бола дагъан,
Эки къаура кюрешелле сынмазгъа.
Джазыу умут экисине,
Ушай болур, деб эсиме, келди.
Ала чыгъарламы сау джазгъа?

Бирде къарай тёгерекге,
Бирде къарай мутхуз кёкге,

Къалай къыйынд ышыкъ излеб сакълагъан?
Эрке тюшле кёре бирден,
Бир насыблы болур Джерде
Атасындан джылыу табыб джукълагъан.

Сабийлерин сагъынмагъан,
Туудукъларын танымагъан
Аталаны кёрсек, салам берейик.
Ким сайлаб алад атаны?
Джанкъылычларына аны
Уллу Аллах кеси этер тёрелик.

Ташны тешиб чыкъгъан хансха
Ушаб, чыкъдыкъ къышдан джазгъа,
Эсде къалды кюрен тартхан сууукъ ай.
Атам ючюн, аппа болсам,
Кесим ючюн, атдя болсам,
Джашырсам да, кёлюм болад бирде сай.

Альберт Узденов еще тексты