Альбина Хәкимова - Замана таҡмаҡтары | Текст песни

• Тексты песен
• Альбина Хәкимова
• Замана таҡмаҡтары

Замана ауыр тимә әле,
Башыңды эймә әле.
Ауыр булһала матур ул,
Бу донъя тигәндәре.

Ауырлыҡҡа баш эйәрлек,
Егет түгел әле беҙ.
Ауырлыҡтың матурлығын,
Таба торған мәле беҙ.

Уйна әле, йырлайыҡ беҙ,
Матур ҡыҙҙар моңланһын.
Моңһоҙҙар бер моңланһын да,
Күңелдәре һыҙланһын.

Йырлайыҡ беҙ бабайҙарҙан,
Дәртләнеп торһон әле.
Әбейҙәре, йәш ҡыҙҙарҙан,
Көнләрлек булһын әле.

Яртышып көнләшеүҙәр,
Ҙур ғонаһ түгел бит ул.
Ҡыҙҙарға ла ҡыҙығалыр,
Ҡартаймай күңел бит ул.

Замана ауыр тимәйек беҙ,
Уйнайыҡ беҙ, көләйек.
Ике тапҡыр йәшәмәйбеҙ,
Ҡәҙерен беләйек әле.

Альбина Хәкимова еще тексты