Альбина Шәмсетдинова - Башҡорт улына ( тулы акустик вариант) | Текст песни

• Тексты песен
• Альбина Шәмсетдинова
• Башҡорт улына ( тулы акустик вариант)

Йөҙөңә бысраҡ ташлап, йөрәгең ярылһа,
Онотма тамырҙарыңдан башҡорт ҡаны аға.
Көслө рухлы халыҡтың уланы һин, онотма.

Милләтеңде алға әйҙә, саҡыр һин көрәшкә,
Онотма үҙ тарихыңды, юғалтма һин, һаҡла.
Заман афәттәренә, башҡортом, бирешмә.

Көс-ғәйрәт, түҙемлек бир, Аллам.
Башҡортмон тип күкрәгемде ҡағам!

Үткәнеңә күҙ ташла, ярһыймы йөрәгең,
Күпме ҡырылды һинең аҡыллы йөҙҙәрең,
Тартып алдылар күпме һорамай ерҙәрең.

Яҡты уйҙар менән генә тик алға һин атла,
Һынып ҡалма бер ниҙән, Башҡорт илен данла.
Көслө-рухлы халыҡтың уланы һин, онотма.

Тура баҫып, ғорур атла, һин бит үҙ ереңдә.
Олтан булма, ә солтан бул һин Тыуған илеңдә.
Намыҫыңды тапарға бер ҡасан ашыҡма.

Телеңдең киләсәге лә тик һинең ҡулыңда,
Ул бит беҙҙең хазинабыҙ, һин шуны онотма.
Әсә телен ултереүгә, башҡортом, юл ҡуйма.


Альбина Шәмсетдинова еще тексты