Анатоль Кудласевіч - Атрасіны | Текст песни и Аккорды

• Тексты песен
• Анатоль Кудласевіч
• Атрасіны

АТРАСІНЫ
Em Am
Спраўляла восень атрасіны, імжэла восень.
Am6 H7 Em
А ты не бойся, любы сыне, зімы не бойся.
Em6 Em7 Am Cm
Стаяць дрыготкія асіны, трапечуць лісьцем,
Em H7 Em
Спраўляла восень атрасіны і вецер свішча.

Папросіць восень у нябёсаў сабе спагады.
Лісток абросены з нябёсаў дадолу падаў.
І клін журлівы, жураўліны ляцеў у вырай,
А ты не бойся, любы сыне, любові шчырай.

Згуляла восень атрасіны – чакай марозаў.
Ты ўжо дарослы, любы сыне, яшчэ не позна,
Не позна выправіць памылкі і ты не бойся
Прасіць у восені – даруе, знай: долі просяць.

У чалавечым грэшным лёсе заўжды бывае:
Спраўляе восень атрасіны – а мы чакаем,
Што нам адпусціцца калосся жыццёвай мерай,
Калі ў душу прыходзіць восень – ратуе вера!
Яшчэ нікому не ўдалося зляцець у вырай,
Калі ў жыццё прыходзіць восень – ратуе вера.

Анатоль Кудласевіч еще тексты