Ангелина Файрушина - Кыыс тойуга | Текст песни

• Тексты песен
• Ангелина Файрушина
• Кыыс тойуга

Pesni.guru - сайт для Гуру

1. Биир сайыҥҥы киэһэҕэ
Соҕотоҕун дьаарбайаммын
Арай тиийэн кэллим төгүрүк алааска.
Тулам барыта уу чуумпу,
Арай ханна эрэ ыраах
Кыыс тойуга иһиллэргэ дылыта.

2. Соһуйбут санаабыттан
Окко олоро мин түстүм,
Оҕо сааспын эргитэммин санаатым:
Атах сыгынньах сүүрэрбин,
Күөл кытыытыгар киирэммин
Сөрүүн салгын мүөтүн ыймахтыырбын.

3. Кыра кыыс оҕо буоламмын
Халадаай ырбаахылаахпын,
Сибэкки хонуутугар сылдьабын.
Күөрэгэйи кытта тэҥнэ
Ыллаһабын, үтүктэбин,
Көҥүл көтүөх курдук далбаатанабын.

4. Ааспыт кэрэ да кэмнэрбин
Субу баардыы мин көрөбүн,
Ыллыы-туойа сылдьар сэмэй кыысчааны.
Кыыс тойуга ыҥырардыы
Чуумпу киэһэни толорон
Ыһыах ыһар төгүрүк алааска