Андрій Андрусяк - Слово о пълку Игорєвѣ (168-183) Слово о полку Ігореві - Слово о полку Игореве | Текст песни

• Тексты песен
• Андрій Андрусяк
• Слово о пълку Игорєвѣ (168-183) Слово о полку Ігореві - Слово о полку Игореве

Pesni.guru - сайт для Гуру

Слово о полку Ігореві - озвучив: Андрій Андрусяк

Голосъмь ІАрославьнинымь повѣдаѭ...

168. На Дуна́jи Яросла́вьнинъ_гласъ_ся слы́шить, зєгъзи́цєю нєзна́єма, ра́но кычєть:
169. «По́лєчю, — рєчє́, — зєгъзи́цєю по Дуна́єви,
170. омочю́ бєбрянъ рука́въ въ Каялѣ рѣцѣ́,
171. утьру́ къня́зю кръвавы́ѣ єго ра́ны на́_жєстъцѣмь єго́_тѣлѣ».
172. Ярославьна ра́но пла́чєть Пути́вли на забра́лѣ, а́_рькучи:
173. «О вѣ́трє, вѣ́трило! Чєму́, господи́нє, наси́льно вѣ́єши?
174. Чєму́ мычєши хиновьскыѣ стрѣ́лъкы на своєю́ нєтру́дьною кри́льцю на моєѣ́ лады воѣ́?
175. Ма́ло_ли_ти бя́шєть горѣ по́дъ_облакы вѣ́яти, лєлѣ́ючю кораблѣ́ на си́ни_мори?
176. Чєму́, господи́нє, моє́ вє́сєльє по ковылью розвѣ́я?»
177. Ярославьна ра́но пла́чєть Пути́влю_городу на заборо́лѣ, а́_рькучи:
178. «О Дънѣ́прє Словутичю! Ты проби́лъ_єси ка́мєньныѣ го́ры сквозѣ́_зємлю половь́чьскую.
179. Ты лєлѣ́ялъ_єси на́_собѣ Святосла́вли носа́ды до пълку́ Кобякова.
180. Възлєлѣ́jи, господи́нє, мою́ ладу къ́_мънѣ, а́_быхъ нє съла́ла къ нєму́ сль́зъ на́_морє ра́но».
181. Ярославьна ра́но пла́чєть Пути́вли на забра́лѣ, а́_рькучи:
182. «Свѣ́тьлоє и трєсвѣ́тьлоє съ́лньцє! Вьсѣ́мъ тєпло́ и кра́сьно_єси.
183. Чєму́, господи́нє, простьрє́ горя́чюю свою́ лучю́ на лады воѣ́, въ́_поли бє́зводьнѣ жя́ждєю имъ лу́кы съпряжє́, туго́ю имъ ту́лы затъчє́?»