Гуру ПесенАндрій Андрусяк - Слово о пълку Игоревѣ (143-152) Слово о полку Ігореві - Слово о полку Игореве | Текст песни
143. У́жє_бо Сула́ нє́_тєчєть срє́брьными струя́ми къ́_граду Пєрєясла́влю, и Дъвина́ боло́тъмь тєчє́ть о́нымъ грозьны́мъ полочя́номъ подъ кликъмь пога́ныхъ.
144. Оди́нъ_жє Изясла́въ, сы́нъ Васи́льковъ, позвони́ своjими́ о́стрыми мєчи́ о шєломы́ литъ́вьскыѣ, притрєпа́ сла́ву дѣ́ду своєму́ Вьсєсла́ву, а́_самъ подъ чьрвлє́ными щиты́ на́_кръвавѣ травѣ́ притрєпа́нъ литъ́вьскыми мєчи́. Ис_хо́ти ю́на_кръвь.
145. А́_ты рєкъ:
146. «Дружи́ну твою́, къня́жє, пъти́ць кри́лы приодѣ́, а́_звѣри кръ́вь полиза́шя».
147. Нє́_бысть ту бра́та Брячяслава, ни друга́го Вьсє́волода: оди́нъ_жє изрони́ жєньчю́жьну_душю ис храбра́_тѣла чрє́съ_злато ожєрє́льє.
148. Уны́ли го́лоси, пони́чє вє́сєльє, трубы́ тру́бять городьньскыѣ.
149. Яросла́вє, и вьси́ въну́ци Вьсєсла́вли! У́жє пони́зитє стя́гы своѣ́, въньзи́тє своѣ́ мєчѣ́ вєрєжєны́.
150. У́жє_бо вы́скочистє из дѣ́дьнєjи славы.
151. Вы_бо́ своjими́ крамола́ми начя́стє наводи́ти пога́ныѣ на́_зємлю Ру́сьскую, на жи́знь Вьсєсла́влю.
152. Кото́рою бо бѣ́шє наси́льє о́тъ_зємлѣ половь́чьскыѣ!
Андрій Андрусяк еще тексты
Статистика страницы на pesni.guru ▼
Просмотров сегодня: 1