Андрій Андрусяк - Слово о пълку Игоревѣ (153-167) Слово о полку Ігореві - Слово о полку Игореве | Текст песни

• Тексты песен
• Андрій Андрусяк
• Слово о пълку Игоревѣ (153-167) Слово о полку Ігореві - Слово о полку Игореве

Слово о полку ігореві - озвучив мовознавець Андрій Андрусяк

153. На́_сєдмомь_вѣцѣ Троянѣ вь́ржє Вьсєсла́въ жрє́биjь о дѣ́ви́цю_собѣ лю́бу.
154. Тъ́jь клю́ками подъпєръ_ся́ о́кони и скочи́ къ́_граду Кы́єву и дотъчє́_ся стружиjьмь зла́та стола́ кы́євьского.
155. Скочи́ отъ_ни́хъ лю́тымь_звѣрьмь въ по́лъночи, из Бѣла́града, обѣ́си_ся си́нѣ мьглѣ́;
156. утъ́ржє вазни съ́_три_кусы отвори́ ворота́ Нову́граду, росши́бє сла́ву Яросла́ву,
157. скочи́ въ́лкъмь до_Нєми́гы, съду́ токъ. На_Нєми́зѣ снопы́ стє́лють голова́ми, моло́тять цѣпы́ харалужьными, на́_тоцѣ живо́тъ кладу́ть, вѣ́ють ду́шю о́тъ_тѣла.
158. Нєми́зѣ кръ́вави_брѣзи нє́_бологъмь бя́хуть посѣ́яни, посѣ́яни костьми́ ру́сьскыхъ сыно́въ.
159. Вьсєсла́въ_кънязь лю́дьмъ судя́шє, къня́зємъ гра́ды рядя́шє, а́_самъ въ́_ночь въ́лкъмь ри́скашє: ис_Кы́єва дори́скашє до ку́ръ Тьмуторока́ня, вєли́кому Хърсови въ́лкъмь пу́ть прѣри́скашє.
160. Тому́ По́лотьскѣ позвони́шя зау́трєнюю ра́но у Святы́ѣ Софи́ѣ въ́_колоколы, а_о́нъ Кы́євѣ звонъ слы́шя.
161. А́щє и вѣ́щя_душя въ́_друзѣ_тѣлѣ, нъ чясто́ бѣды́ страда́шє.
162. Тому́ вѣ́щиjь Боя́нъ и пь́рвоє припѣвъку съмы́сльныjь рєчє́:
163. «Ни хы́тру, ни гора́зду, ни пытьцю гора́зду, суда́_Божья нє мину́ти».
164. О стона́ти Ру́сьскоjи_зємли, помянувъши́ пь́рвую годи́ну и пь́рвыхъ_кънязии!
165. Того_ста́рого Влади́мѣра нє_льзѣ́ бѣ пригвозди́ти го́рамъ кы́євьскымъ.
166. Сєго_бо́ ны́нѣ ста́шя стя́зи Рю́рикови, а друзи́jи – Дави́дови, нъ розьно́_ся jимъ хо́боти па́шють.
167. Ко́пья пою́ть!

Андрій Андрусяк еще тексты