Анжелика Начесова - Абрэдж Нухь | Текст песни

• Тексты песен
• Анжелика Начесова
• Абрэдж Нухь

Абрэджы ныохэр зызэхэтlысхьакlэ
Уджъэгъо уз аlоу къыстегущыlэхи сэ.
Сыджъэгъо узэп, сыузыгъуаеп,
Сэ къызэузырэр Абрэдж Нухь гущи оуи.

Къафкъас къушъхьашхохэм анахь лъагэм
Тыжьын осэпсыхэр къыщеткlух гущи оуи.
Шъхьэ зишlо пстэу гущэм урамым рыкlорэм
Си шlулъэгъуныгъоу гущи афистэкъухьарэри сэ.

Сикlасэу Нухьэр садэжь къызыкlокlэ
Сэщ фэдэ щымыlэу къызгуригъаlо гущи сэ.
Сэщ фэдэ щымыlэмэ, «некlо» сэ зысlокlэ
Лъэсбэщыр ештэшъы, унэм екlыжь гущи оуи.

Абрэдж Нухь, моу зэ къэдаlу,
Лlыгъэр зыхэлъыр, сэ къыосlон гущи сэ —
Лlыгъэр зыхэлъыр Хьакурыныр ари,
Лlыгъэр зыхэмылъыр Абрэдж Нухь гущи оуи.

Си пщынэ къарэ къызэкlэсэщ,
Нухьи игъыбзэ къыхэсэгъэщ гущи оуи.
Си кlасэу Нухьи гущэм къищагъэу заlом
Сыкъызэхафи сыкъэмэхэу гущи оуи.

Сымаджэ сыкъэхъуи, дэи сызэхъу гущэм
Си нухьэ сlошъи, лъызгъэкlогъагъэ гущи сэ.
Услъэгъужьын сlуи, укъезгъэщэнэу
Сыкъыпщыгугъукlэ укъезгъэщагъэпи сэ.

Сымаджэ сызэхъум пlэм сызхэгъуалъхьэм
lахьылэу сиlэ гущэр къызэлъэсыгъэхи оуи.
lахьылэу сиlэ гущыр, моу зэ шъукlуатэри,
Абрэджы Нухьэми сэ сыlужъугъаплъэ гущы сэ.

Си Нухь дах, моу зэ къэуцу
Сэ сыгу къеорэр сэ къыосlожьын гущи сэ —
Сихьадэ техъорэ си чэфынапхъорэ
О уиlащхьитlукlэ къысфэщэфыжь гущи оуи.

Сыпсэр къызысхэкlыкlэ сызрыгъыщэжькlэ,
Сипlуаблэ цыпэми къыкlэуцожь гущи оуи.
Бэным сырахьылlэу сызагъэтlылъыкlэ,
Снэlу къихьари зэ къысlуплъэжь гущи оуи.

Хьадрыхы машэм сыкъыщагъэтlылъкlэ
Си Нухьэ сlоншъы сыкъэкуон гущи сэ.
Насыпынчъэ щыlэмэ, джар шъуиорэдышъ,
Шъузэлъэжъыуба, марджэ хъужьын гущи шъо.

Анжелика Начесова еще тексты