Антось Вожык - *** | Текст песни

• Тексты песен
• Антось Вожык
• ***

Мой сябар сядзіць за кратамі
За тое, што змог сказаць "Не!"
Ў краіне, дзе дэмакратыя
Пахавана ў жалезнай труне.

Мой сябар - ты сын Беларусі,
Я веру у мужнасць тваю.
І я, у надзеі і скрусе,
Са свечкай за сценкай стаю.

Дубінкі крывёю напоены,
Ў ашчэры з нас кпіць аўтазак,
Але мы той верай узброены,
Што заўтра ўсё будзе ня так.

Ірвуцца хвілінаў пялёсткі;
Здаецца, што суткі - вякі.
Ўчапілісь да белае косткі
У нары абедзве рукі.

Ты прагнеш свабоднага лёсу,
Каб свет панаваў над імглой.
І свечак дрыготкія слёзы
Яднаюць нас зараз з табой.

Мой сябар сядзіць за кратамі.
А краты рассыплюцца ўшчэнт,
І літасным сонцам абнятыя
Ўдыхнем мы свабоды яшчэ.

22-23 снежня 2010