Арман Құдайберген - Болмасын соғыс, болмасын | Текст песни

• Тексты песен
• Арман Құдайберген
• Болмасын соғыс, болмасын

Болмасын соғыс, болмасын...

Аға-іні бір-бірімен қас болмай,
Адам менен адам ұлы дос болғай.
Бейбітшілік мәңгі болсын әлемде,
Қой үстіне жұмыртқалап бозторғай.

Қарттың сөзі том-том кітап, тағылым,
Ата көрсін немересі бәрінің.
Ана көріп баласының қызығын,
Бала көріп өссін әке тәлімін.

Өрімдейін жастар жүдеп, солмасын,
Ерлер елін мылтықсыз-ақ қорғасын.
Сұм соғыстың сезінбесін зардабын,
Еш қазақтың көзіне жас толмасын.

Аналар жесір қалмасын,
Балалар жетім қалмасын.
Тыныштық мәңгі орнасын,
Болмасын соғыс, болмасын...

© Арман Құдайберген #АҚ

Арман Құдайберген еще тексты