Минем йөрәк сер сандыгын ачты,
Синең йөрәк белән серләшә.
Йөрәк түгел, әллә җаннарыбыз
Сүзсез генә микән сөйләшә?
Гөл тирбәнеп куйды өй түрендә,
Яфракларга яфрак эндәшә.
Яфрак түгел, әллә хисләребез
Берсен-берсе сүзсез эзләшә?
Ашкынып ла көткән яңа елда
Ап-ак карлар бәхет өләшә.
Карлар түгел, әллә бураннарда
Җаннарыбыз бергә сөйләшә?
Асаф Вәлиев & Эльвира Хамматова еще тексты
Оценка текста
Статистика страницы на pesni.guru ▼
Просмотров сегодня: 2