Аскалон Павлов - Ийэкээм | Текст песни

• Тексты песен
• Аскалон Павлов
• Ийэкээм

«Ийэкээм» Аскалон Павлов

1. Тыал сайа охсон сэбирдэх кыымын тамнааттыыр,
Тулабар күһүн, көмүс хаарынан үллүктүүр
Ийэкэм тахсан соҕотох миигин көрсүһэр
Маҥан төбөтүн мин түөспэр ууран айманар.

Хос ырыа

Ытаама Ийэкээм хараҕын уутунан суунума
Эн иннигэр мин төрөппүт оҕоҥ турабын
Ийэ Ийэкээм мин күндү киһим
Эн илиигэр мин сүрэҕим сылааһын тутабын
Ийэ Ийэкээм мин күндү киһим
Эн эрэ буолаҕын эн эрэ миэхэ соҕотох.

2. Сэрэнэн соҕус астыйбыт баттаҕын көннөрөр
Төбөтүн көтөҕөн болҕойон миигин одуулуур
Илиибин ылан сыһыары тутар сүрэҕэр
Арай харахтар «барыма»диэн ытыыллар.

3. Тыал сайа охсон сэбирдэх кыымын тамнааттыыр,
Уҥуоххар күһүн көмүс хаарынан үллүктүүр
Эйигин санаан хараастан турдум мин бүгүн
Хараҕым уутун кыайан туттуна турбатым.

Хос ырыа

Быраһаай Ийэкээм быдан дьылларга бырастыы
Ийэ сир дойду кэрэтэ аны эргийбэт
Ийэ Ийэкээм мин күндү киһим
Санаабар куруук сүрэҕим сылааһын тутабын.
Ийэ Ийэкээм мин күндү киһим
Эн эрэ буолаҕын эн эрэ миэхэ соҕотох.