Аскалон Павлов - Курус толкуй | Текст песни

• Тексты песен
• Аскалон Павлов
• Курус толкуй

Силлиэ түһэн хаар ытыллан
Күдэрик оргуйар
Ый быыһынан дьыбардаах түүн
Cур бөрө улуйар
Курус толкуй хантан кэлэн
Cанаабын ытыйдыҥ?
Ый быыһынан дьыбардаах түүн
Мин түүлбэр эн киирдиҥ?

Кустук дьэргэлгэн быыһыгар
Оҕо сыллаарым элэҥниир
Ийэ соҥуорбут хараҕа
Миигин ынырар курдуга

Сарсыҥҥыны санаабакка
Саҥаны билбэккэ
Ый быыһынан дьыбардаах түүн
Мин мантан барыаҕым
Оҕо буолан ойон-тэбэн
Ийэбэр сүүрүөҕүм
Дьэ ол кэннэ дьыбардаах түүн
Төттөрү төннүөҕүм

Соргулаах айаммын санаан
Сүгэһэрбин түһэриэҕим
Санньыар санаабын киэр кыйдаан
Сарсыҥҥы күнү көрсүөҕүм

Соргулаах айаммын санаан
Сүгэһэрбин түһэриэҕим
Санньыар санаабын киэр кыйдаан
Сарсыҥҥы күнү көрсүөҕүм