Аслан Болуров - Турнала | Текст песни

• Тексты песен
• Аслан Болуров
• Турнала

Музыка и стихи Альберта Узденова.

Боз булутла, къачхы джелге бойсуна
Барадыла Къыбла таба Шималдан
Чырмалалла Минги Тауну бойнуна
Кёб мычымай, къарайдыла башындан

Булутлагъа тирелмезге кюреше
Деу садакъны уучу кибик тизилиб
Бир бирингден хапар биле, сёлеше
Къалмасын дей онгсузуракъ юзюлюб

Сиз учасыз Къыбла таба турнала
Сау къал эте, къанат къагъа, къычыра
Бир кёзюуде, кюй сокъгъанча зурнала
Джюреклеге такъырлыкъны чакъыра
Бир бирде, кюй сокъгъан кибик зурнала
Чыгъаралла сеир мыдах макъамла

Сизни къанат тюбюгюзде джуртугъуз
Ушамайды сизге мени джазыум
Бюгюн къанат тюбюндеме джуртуму
Бек эсгертед, кесин озгъан джарсыум

Ким биледи, энди сизни ненчагъыз,
Къайтмай къалыр, джаз бла бирге таулагъа?
Сиз къайтыргъа, таулада да ненчабыз,
Кете бара, сукъланырла саулагъа?

Аслан Болуров еще тексты