Ахсар Джигкаев - Фембæлд | Текст песни

• Тексты песен
• Ахсар Джигкаев
• Фембæлд

Фæцæйцыдтæ, фæцæйцыдтæн,
Фæзылдтæ мæм, фæзылдтæн дæм,
Ды федтай мæн, æз федтон дæу,
Æрлæууыдтæ, æрлæууыдтæн.

Дæ цæстытæн дын бакастæн,
Цыдæр сæ мидæг агуырдтон.
Нæ мæ фæтарстæ, о, фæлæ
Дæ цæстыты цы фесæфтон?

Мах кастыстæм кæрæдзимæ
Æмæ нæ улæфт нал хъуыстис,
Цыма ныхъхъуыс и 'гас дуне,
Цыма ызмæлæг нал уыди.

Мæ цонгыл мын ныххæцыдтæ
Цыма дæ дардтон уды хæс,
Мæ къух — дæрзæг, дæ къух — фæлмæн,
Фæтыхстæн æз, фæсырх дæ ды.

Цыма дæ рагæй зыдтон æз,
Цыма дæ федтон æз кæддæр,
Цыма фæзындзынæ рæхджы
Æмæ дæ фендзынæн уæддæр.

Лæууыдыстæм æдзынæгæй,
Цыдæр дæ уæнгтæ бабаста,
Зæгъæн кæмæн нæй ахæм тых,
Дæ сабырдзинад банкъуыста.

Дæ цæстытæн дын бакастæн,
Цыдæр сæ мидæг агуырдтон.
Нæ мæ фæтарстæ, о, фæлæ
Дæ цæстыты цы агуырдтон?